Pak ditë pas referendumit ka rreth 90% e popullsisë i thanë ‘Po’ shkëputjes nga Spanja, presidenti i Katalonjës pritet të shpallë pavarësinë e njëanshme të rajonit. Në orën 18:00 ishte planifikuar seanca e parlamentit rajonal ku presidenti Carles Puigdemont do shpallte pavarësinë, seancë e cila është shtyrë me 1 orë.
Policia katalanase ruan parlamentin rajonal dhe dhjetëra traktorë janë parë jashtë parlamentit katalanas. Në Barcelonë është prezente edhe policia kombëtare spanjolle si dhe mijëra njerëz.
Më herët qeveria e Madridit i bëri thirrje presidentit separatist të Katalonjës, Carles Puigdemont për të mos ndërmarrë asgjë të pakthyeshme.
“Dua t’i kërkoj Puigdemont që të mos ndërmarrë asgjë të pakthyeshme, që të mos nisë asnjë rrugë pa kthim, që të mos bëjë asnjë deklaratë të njëanshme për pavarësi dhe që t’i rikthehet ligjshmërisë”, deklaroi për median, Inigo Mendez de Vigo.
