Katalonja ka shpallur pavarësinë nga shteti i Spanjës dhe kjo është paralajmëruar se do të ketë ndikim edhe në fushën e lojës. Këtë javë do të ketë dy përballje interesante që mund të cenohen nga shpallja e pavarësisë.
Athletic Bilbao do të ketë përballë Barcelonën dhe nuk dihet se cili do të jetë fati i kësaj ndeshje, pas vetëshpalljes së pavarësisë nga rajoni i Katalonjës. Por nga ajo që kanë raportuar mediat spanjolle flitet që mund të kemi një largim të skuadrave nga që janë të këtij vendi nga liga elitare spanjolle. Megjithatë e përditshmja “Marca”, ka hedhur poshtë këtë skenarë pasi është absolutisht antikushtetues dhe i paqëndrueshëm e i pabesueshëm. 
Kjo tregon që pavarësia e vetëshpallur nuk do të jetë e vlefshme dhe se ndeshjet do të zhvillohen normalisht. Po ashtu edhe gjiganti i Real Madrid do të udhëtojë në Katalonjë për tu përballur me Gironën. Madrilenët kanë lajmëruar se për të shmangur çdo lloj konflikti të mundshëm në këtë situatë të paqëndrueshme politike, nuk do të udhëtojnë me autobusin e klubit për në ndeshjen e radhës.
Sot Katalonja ka shpallur pavarësinë në saj të 70 votave pro, dhjetë kundër dhe 2 abstenime.
