Skënderbeu ka bërë një nisje fantastike të kampionatit, pasi ka fituar në dy ndeshjet e para dhe nuk ka pësuar asnjë gol. Pasi mposhtën Partizanin 1-0 në ndeshjen e parë, këtë pasdite kanë marrë një fitore të thelle 3-0 ndaj Kastriotit. Ka qenë Demte që ka zhbllokuar ndeshjen në minutën e 16-të, teksa Bregu ka dyfishuar avantazhin e miqve në të 30-ën dhe më pas ka vulosur gjithçka në fundin e takimit sërish vlonjati.
Ky sukses i jep mundësinë korçarëve të marrin kreun e Superiores dhe të shkojnë dy pikë larg Laçi-t, skuadra që mban vendin e dytë për momentin dhe kundërshtari i ardhshëm i bardhekuqve në kampionat.
Për sa i takon Kastriotit, ata mbajnë vendin e pestë në renditje me pesë 3 pikë, të siguruara në ndeshjen hapëse, të cilën e kanë fituar 1-0 në fushën e Luftëtarit.
