Gafat e Loris Karius tashmë janë bërë të zakonshme, debutimi i tij tek ekipi turk, Besiktas ishte për tu harruar. Portieri u cilësua fajtor në pësimin e një goli, pasi bën një dalje të pamenduar mirë në sfidën kundër Bursaspor, e cila u mbyll me rezultatin 1-1.
I cilësuar si portieri i gafave, gjermani nuk po e ka aspak të lehtë as në stërvitje, pasi Quaresma po ia bën malore. Futbollisti portugez e ka turpëruar 26-vjeçarin duke i shënuar një gol shumë të bukur me stilin e quajtur “Rabona”.
Kaq ka mjaftuar që për Karius, portierin e masakruar për finalen e “Championsit”, të nisë avazi duke e cilësuar si të dobët. Kujtojmë se Liverpool fillimisht deklaroi se do ta mbante portierin në skuadër, por pas blerjes së Alisson Becker për 75 milionë euro e huazoi atë te Besiktas.
