Kryetari i Partisë Demokratike, Lulzim Basha ka sqaruar se si qëndron e vërteta në lidhje me lobimin dhe shkrimin investigativ të publikuar nga revista “Mother Jones”.
Sipas Bashës, kjo është një insinuatë, të cilën e ka paguar kryeministri Rama. Basha deklaroi në “Opinon” se të gjitha shumat e shpenzuara janë bërë publike dhe në bazë të legjislacionit. Ai tha se PD ka paguar 125 mijë dollarë për lobimin e saj.
Basha shtoi se kjo lojë bëhet në një kohë kur Shqipëria ndodhet përballë skandali të kokainës së kapur në Durrës, por sipas tij, kjo bëhet për të shmangur vëmendjen.
Ju keni paguar një lobist amerikan, çfarë ka ndodhur sa para keni paguar?
Lobimi është bërë me 14 nëntor per kontratat e lobimit. Pyetja lidhet me atë se pse pikërisht këtë javë? Kjo është e paguar nga Edi Rama. Është një revistë e majtë, ajo financohet nga projekti Soros.
Sa para keni shpenzuar për lobim në SHBA?
PD ka paguar 125 mijë dollarë, janë bërë publike. Kjo në një periudhë 3 mujore apo 4 mujore. Deklarimet janë publike. Për të hequr vëmendjen e Shqipërisë. Kjo ishte për fat të keq që Shqipëria është njollosur me kapjen e kokainës në Durrës. Shkrimi është i mbushur me insinuata.
Ky përkthim ka qenë në duar anëtarëve socialist të komisionit. PD ka marrë 2 lobistë, me hapa ligjore dhe të rregullta. Ky artikull i porositur nga Edi Rama. Ai ka deklaruar kontrata për post PD edhe me palë të treta. Unë mbaj përgjegjësi për të gjitha hapat e kryer. PD nuk ka shkelur as ligjin shqiptar dhe as atë amerikan. Është e pasaktë, kjo është e stisur.
