Bashkimi Evropian përshëndet operacionin e gjerë antidrogë të ndërmarrë nga Policia e Shtetit të dielën. Ambasadori i BE në vendin tonë, ka reaguar me anë të një postimi në rrjetet sociale. Ai thotë se lufta kundër krimit të organizuar dhe trafikut të drogës është prioritet kryesor për Bashkimin Evropian.
“Ne mirëpresim operacionin e gjërë anti-#drogë të ndërmarrë sot në qytete të ndryshme ?? nga Policia e Shtetit. Lufta kundër krimit të organizuar & trafikut të drogës ?? është një prioritet ?për ??. Presim që #ndjekjet penale & #dënimet të vazhdojnë me rezultate të qëndrueshme” https://t.co/o10JnMxXSN
— EU in Albania (@EUinAlbania) October 21, 2018
“Ne mirëpresim operacionin e gjerë antidrogë të ndërmarrë sot në qytete të ndryshme të Shqipërisë nga Policia e Shtetit shqiptar. Lufta kundër krimit të organizuar dhe trafikut të drogës në Shqipëri është një prioritet kryesor për Bashkimin Evropian. Tani ne presim që hetimet penale dhe dënimet do të vazhdojnë me rezultate të qëndrueshme”. Kështu shkruan një postim në Twitter, Ambasadori i Bashkimit Evropian në Shqipëri, Luigi Soreca.
Në një aksion të gjerë të shtrirë në disa qytete të vendit, Policia e Shtetit arrestoi të dielën dy ish-deputetë, si dhe disa prej anëtarëve të të ashtuquajturve “të fortët” e Shijakut. Një operacion i gjerë u ndërmor edhe për arrestimin e Kelmend Balilit, i konsideruar si “Eskobari i Ballkanit”, ndonëse kapja e tij nuk u bë e mundur.
