Ambasadori i SHBA-së në Tiranë, Donald Lu ka reaguar lidhur me mega-operacionin, që finalizoi kapjen e 613 kilogramëve kokainë.
Në një deklaratë të bërë në faqen zyrtare të ambasadës amerikane, Lu shprehet se kapja e kokainës është një tregues pozitiv i vigjilencës së policisë, ndërsa nga ana tjetër shton se është edhe një shenjë shqetësuese se trafikimi i kokainës dhe drogave të tjera është në rritje.
Reagimi i plotë:
Deklaratë e Ambasadorit të Shteteve të Bashkuara Donald Lu
Ambasada e Shteteve të Bashkuara dhe Administrata Anti-Drogë e Shteteve të Bashkuara (DEA) përgëzojnë Policinë Shqiptare të Shtetit për kapjen e 614 kilogramë kokainë kolumbiane dje në Durrës. Kjo është sasia më e madhe e kokainës apo heroinës që është kapur prej vitesh. Është një tregues pozitiv i vigjilencës së policisë, por edhe një shenjë shqetësuese se trafikimi i kokainës dhe drogave të tjera është në rritje. Shtetet e Bashkuara do të vazhdojnë të ndihmojnë dhe mbështesin përpjekjet në zbatimin e ligjit për të parandaluar trafikimin e drogave në Shqipëri dhe për të arrestuar personat përgjegjës.
