Policia italiane ka kapur një nga sasitë e drogës, që konsiderohet si më të mëdhatë të sekuestruara ndonjëherë në Pulia.
Konkretisht, policia ka sekuestruar 800 kg drogë, të llojit marijuanë dhe hashash, njofton Ansa.
Mësohet se dy shqiptarë janë arrestuar, identiteti i të cilëve nuk dihet ende, ndërsa bashkë me ta është arrestuar edhe një italian në momentin që do të bëhej shkëmbimi i drogës.
Nuk dihet nëse droga e kapur ka mbërritur nga Shqipëria, ndërsa mësohet se policia italiane ka sekuestruar edhe një armë zjarri, 4 makina si dhe 32 mijë euro. Detaje të tjera pritet të publikohen më vonë nga policia italiane.
