Autoritetet policore shqiptare në bashkëpunim me ato italiane kanë vënë në pranga një shtetas italian në kërkim. Ai ishe i dënuar për krime kundër fëmijëve.
Ai është Masimiliano Croçe, një 46-vjeçar, i diplomuar në pedagogji për të mitur. 46-vjeçari, sipas policisë, nga viti 2007 deri në 2014-n, ka kryer krime kundër të miturve, pedofili. Ai është dënuar me 16 vjet burgim nga një gjykatë italiane. Gjatë kësaj periudhe ai ka shërbyer si mësues komuniteti për fëmijët e varfër.
“Është bërë i mundur lokalizimi i tij, i cili fshihej në një banesë në një zonë periferike të Tiranës. Ai i fshihej autoriteteve italiane prej më shumë se 4 vjetësh”, tha në një deklaratë për mediat, Edi Merkaj, Drejtor i Departamentit të Policisë Kriminale.
