Kanë filluar sërish kërkimin në terren malor për njërin nga policët e zhdukur nga aksidenti i së shtunës.
Kjo pasi në zonat malore është kapur një sinjal telefonik. Kërkimet tashmë kanë filluar nga FSK-ja, Policia në terenin lumor e malor.
E ndërsa policia e Kosovës ka bllokuar lëvizjen në perimetrin ku ka ndodhur aksidenti duke mos I lejuar gazetarët që të marrin informacion.
Ndërkohë është thënë se edhe sot do të ketë kërkim për dy policët që janë zhdukur të shtunën në mbrëmje.
Zëdhënësi i Policisë së rajonit të Ferizajt, Agim Gashi, ka thënë se kërkimet do të rifillojnë sërish sot në mëngjes.
Në kërkim të dy policëve për fatin e të cilëve nuk dihet ende, janë vënë përveç Policisë edhe zhytësit e FSK-së, zhytës vullnetarë, banorë të zonës si dhe policia e Maqedonisë.
Malësor Dashi dhe Armend Trena, të dytë policë të stacionit të Kaçanikut dyshohet se me veturën e tyre zyrtare derisa po udhëtonin nga Hani i Elezit në Kaçanik kanë rënë në lumin Lepenc.
Që nga ai moment nuk është gjetur asnjë shenjë e dy policëve, përveç veturës e cila është nxjerr nga uji natën e aksidentit.
