Ditën e djeshme motra e Emiliano Sala bëri thirrje me një video që mos të ndalen kërkimet për të. Sulmuesi rezulton i zhdukur pasi avioni ku ai udhëtonte humbi nga radarët gjatë një fluturimi nga Franca në Cardiff.
Thirrjes së motrës së Sala i është përgjigjur Ngolo Kante. Ai ka vendosur të kontribuojë financiarisht që kërkimet mos të ndalen. Sipas asaj që raporton “TimeSport” ky veprim i Kante pritet të ndiqet edhe nga yje të tjerë të futbollit. Francezi dhe argjentinasi kanë luajtur për Caen në sezonin 2014-2015.
Ndërkohë, sipas asaj që raporton “Dailymail” kësaj thirrje i janë përgjigjur plot 1700 persona në vetëm 24 orë. Një organizatë ka arritur të mbledh 120 mijë paund për të startuar kërkimet për gjetjen e avionit në mënyrë private.
