Deputeti i PD-së, Luçiano Boçi ka denoncuar një rast abuzimi me nxënësit e shkollave në Tiranë lidhur me një pyetësori të formuluar nga Ministria e Arsimit.
Pyetësori ka të bëjë me ngacmimet dhe dhunën ndaj nxënësve, por mënyra e formulimit e ka habitur deputetin, i cili publikon foto në Facebook, ndërsa shkruan se shumë prej pyetjeve të tilla duhet të bëhen në prani të psikologëve.
Reagimi i Boçit:
PYETESOR APO…?!!!!
DAR Qarku Tiranë ka shpërndarë nga dje një pyetësor për nxënësit e klasave 6-9.
Përpos që gjuhësisht është me gabime skandaloze (fjalë të bashkuara), ai pëmban pyetje që kanë sjellë reagimin e fortë të prindërve.
Shumë prej pyetjeve të renditura duhet të bëhen vetëm me praninë e psikologut ose të prindit dhe vetëm individualisht e jo me shkrim e kolektivisht në klasë.
Por kjo nuk ka penguar formuluesit, duke i vënë kështu nxënësit në një situatë aspak të lehtë dhe jo pa pasoja në mënyrën se si do ta shohin shkollën pas kësaj.
Ndërkohë nuk është e qartë nëse këtë e ka orientuar vetë Ministria apo është iniciativë e DAR Tiranë!?
