Në protestën e mbajtur pasditen e sotme në sheshin pranë Teatrit Kombëtar ka folur edhe aktori Romir Zalla. Teksa u shpreh kundër shembjes së godinës së Teatrit, Zalla tha se qarkullojnë informacione se kanë piketuar 30 artistë dhe do t’u ofrohen 100 mijë euro me kushtin që të mos flasin.
Zalla tha se ai nuk do të flas sepse do të pres që t’ia japin ato lekë dhe më pas ti dhurojë për të rindërtuar Teatrin Kombëtar.
“Unë di dhe shumë gjëra të tjera po nuk po ua them tani. E dini pse? Sepse kam dëgjuar, ka dalë informacion këto kohët e fundit, që na paskan piketuar neve artistëve, nja 20-30 kokrra, na kanë bërë një listë dhe do na japin nga 100 mijë euro dhe nga një apartament. Me kusht që të mos flasim. Nuk do flas e di pse? Sepse do pres të vijnë të mi japin ato lekë dhe mbase ti mi japin unë do ti dhuroj për të rindërtuar Teatrin Kombëtar”, u shpreh aktori Romir Zalla.
