Ministrja e Shtetit për Marrëdhëniet me Parlamentin, Elisa Spiropali ka përforcuar qëndrimin e mazhorancës për kandidaturën e propozuar nga presidenti Ilir Meta për kreun e Kontrollit të Lartë të Shtetit.
Spiropali tha në një deklaratë për mediat, se Bahri Shaqiri nuk ka eksperiencë financiare, gjë që nuk është marrë parasysh nga presidenti.
Ajo tha se mazhoranca i beson dhe mbështet qëndrimin e Ulsi Manjës: Opinioni i zotit Manja është në funksion të postit që ka si kryetar i Komisionit të Ligjeve. Ne kemi besim te Manja, në rastin konkret Manja përcakton faktin që kandidati duhet të ketë eksperiencë financiare, që nuk duket se nuk është marrë parasysh nga presidenti. Ne nuk kemi asgjë me Bahri Shaqirin personalisht, do ta shqyrtojë e do të veprojmë në përputhje me ligjin.
