Kandidati për deputet, i treti në listën e Partisë Socialiste në Gjirokastër ka habitur me veprimin e tij. Flamur Golemi është mjek okulist dhe duket se ka zgjedhur të shfrytëzojë profesionin e tij për të bërë fushatë.
Golemi ka publikuar një foto nga salla e operacionit me një pacient, ndërsa zotohet se e sheh politikën si një mjet për t’i shërbyer njerëzve.
Më poshtë postimi i Flamur Golemit:
“Takimet për fushatën elektorale presin, por jo pacientët që kërkojnë mjekim. Ata janë më të rëndësishëm se çdo angazhim tjetër, prandaj nuk përtoj asnjëherë t’i gjendem pranë sa herë kanë nevojë për mua. Operacioni me Violetën doli shkëlqyer dhe brenda pak ditësh do të rikuperohet plotësisht. Me të njëjtin përkushtim dhe gatishmëri që kam ndaj pacientëve, do të jem edhe pas 18 qershorit si deputet i qarkut Gjirokastër. Unë e shikoj politikën si mjet për t’i shërbyer njerëzve. Me këtë parim jam nisur që në ditët e para të angazhimit tim në PS dhe do të vazhdoj të besoj kështu. Siç kam qenë dhe mbetem mjeku i të gjithëve, do jem gjithashtu edhe deputeti i të gjithëve. Radhët e mbështetësve shtohen dita-ditës. Bashkë do të shënojmë një fitore historike më 18 qershor”.
