Kanadaja njoftoi nënshkrimin e një marrëveshjeje me kompaninë farmaceutike “AstraZeneca” për të blerë deri në 20 milionë doza të vaksinës së tyre kandidate kundër COVID-19.
Kryeministri Justin Trudeau tha se qeveria është e përgatitur të bëjë gjithçka që mundet për të siguruar një vaksinë funksionuese.
Përveç marrëveshjes Oxford / AstraZeneca, Kanadaja ka nënshkruar marrëveshje me kompanitë farmaceutike Sanofi dhe GlaxoSmithKline, Johnson & Johnson, Novavax, Pfizer dhe Moderna.
Në total ka porosi për më shumë se 150 milion doza të shpërndara në të gjashtë kompanitë.
Kanadaja është zotuar të investojë rreth 220 milionë dollarë (141 milionë euro) në mekanizmin e vendosur nga OBSH-ja për lehtësimin e qasjes ndaj vaksinës antiCOVID-19 të vendeve të varfra.
