Të mërkurën pritet legalizimi i kanabisit në Kanada. Një premtim i mbajtur ky nga Kryeministri Justin Trudeau, i cili ishte shprehur se ky vendim do të mbante larg përdoruesit e mitur dhe do të reduktonte krimin. Tashmë 24 studentë janë të parët që do të marrin kredencialet zyrtare për kultivimin e kanabisit.
Këta studentë po mësojnë si të ujisin, ushqejnë, mbrojnë apo bëjnë teste për përmbajtjen kimike të bimëve të kanabisit. I gjithë procesi kryhet në një dhomë të përshtatur në kolegjin Ontario të Niagarës.
“Ata gjithashtu po mësojnë anën e biznesit. Nëse kultivon kanabis, sa do t’ju kushtojë ky proces? Sa punë ju duhet? Ata do të mësojnë se kanabisi ka nevojë ushqimi të ngjashme me një domate apo piper”. -tha koordinatori i këtij programi Bill MacDonald.
“Është një bimë shumë unike dhe njerëzit kanë një lidhje të vërtetë emocionale me të”.
Ndërkohë që autoritetet shqetësohen se furnizimi i kanabisit legal të Kanadasë mund të bjerë poshtë kërkesës. Dhe të mos e zhdukë tregun e zi, programi po tërheq interes, tha MacDonald.
Një gjë që studentët në Kolegjin Niagara nuk do të jenë në gjendje të bëjnë është të përdorin produktin e tyre: Të gjitha bimët duhet të shkatërrohen në fund të kursit.
Ajo që dihet me siguri është se kjo industri po rritet aq shumë dhe studentët e diplomuar kanë pothuajse të garantuar punësim sapo të largohen nga universiteti./ Përshtati TIRANA TODAY
