Një dentist i maskuar si polic, ka vrarë 16 persona në Kanada. Një masakër të vërtetë ka shkaktuar 51-vjeçari Gabriel Wortman, i cili gjatë aktit të rëndë ishte veshur si oficer policie.
Mediat e huaja raportojnë se të paktën 16 persona janë vrarë, pas një sulmi me armë, të organizuar nga 51-vjeçari në Nova Scotia, Kanada. Autori i masakrës, është gjetur pa jetë pas sulmit.
Po si e kishte organizuar këtë masakër? Vrasësi ishte një dentist, i maskuar si agjent. Për të mos u pikasur, ai kishte modifikuar makinën e tij, për ta bërë atë të dukej si makinë e policisë.
Mediat kanadeze raportojnë se mes viktimave ishte dhe një efektive policie. Ajo u identifikua si Heidi Stevenson, e cila e ushtronte këtë detyrë prej 23 vitesh, dhe ishte nënë e dy djemve.
Nga ana e policisë kanë nisur hetimet. Ende nuk ka një motiv të qartë për vrasjet, ndonëse ishin të mirëmenduara dhe se Wortman vepronte vetëm.
