Kamza siguroi vetëm në ndeshjen e fundit qëndrimin në Kategorinë Superiore, por kjo nuk mjaftoi që trajneri Ahamataj të konfirmohej në krye të klubit. Në prag të përgatitjeve për sezonin e ri drejtuesit e Kamzës kanë vendosur që ti besojnë një ish-kampion Bote pankinwn.
Pietro Vierchowod, ish-kampion bote me përfaqësuesen italiane, u prezantua si tekniku i ri i skuadrës së periferisë së kryeqytetit. Ish-mbrojtësi energjik i Serie A, që aventurën e fundit në pankinë e regjistroi në Hungari me Honvedin e Budapestit, tani vendos të provojë të lërë shenjë në futbollin shqiptar.
Pietro Vierchowod e ka kaluar pjesën më të madhe të karrierës si lojtar te skuadra e Sampdorias, ku fitoi shumë trofe, brenda dhe jashtë Italisë. Por, pas kalimit te Juventusi arriti të shpallet kampion i Europës.
