Tre vajza rrezikojnë deri në tre vite burg, pasi kanë bërë përshëndetjen fashiste. Në fakt, në Poloni nuk ekziston ndonjë ligj specifik që ndalon përshëndetjen e nazizmit apo fashizmit. Në hyrje të kampit të shfarosjes Aushvic në Poloni, tre të mitura në një udhëtim shkollor vendosën të fotografohen, duke bërë përshëndetjen fashiste. E gjithë situata është tensionuar, pasi ato kishin vendosur ta postonin këtë foto në rrjetet sociale.
Fotoja është publikuar në Instagram. Autorja e postimit, pas komenteve negative e ka fshirë menjëherë foton. Megjithatë, autoritetet polake i kanë identifikuar ato, dhe tani vajzat rrezikojnë deri në tre vjet burgim.
Drejtuesit e muzeut i kanë kërkuar prokurorëve që të hetojnë për fyerjen që i është bërë memorialit. “Një sjellje e tillë është tronditëse dhe e tmerrshme. Arsimi dhe ndjeshmëria ndaj fatit tragjik të të gjitha viktimave të Aushvicit janë shumë të rëndësishme”, tha Bartosz Bartyzel, zëdhënës i muzeut Aushvic.
Ata që u ndjenë të ofenduar nga gjesti i tre vajzave, kërkuan që të zbatohet ligji. Sipas tyre, të ndëshkon ata që përhapin ndjenjat e urrejtjes, kështu që mund të jepet një dënim deri në tre vjet burg.
