Një kamion i ngarkuar me birrë është djegur në Qafën e Koshovicës, në dalje të qytetit të Fierit.
Paraprakisht dyshohet se shkak i djegies së kamionit është bërë një shkëndijë elektrike. Ky rast është shënuar rreth orës 14:00, në aksin rrugor Fier-Levan.
Djegia e kamionit ka shkaktuar çrregullime në qarkullimin e mjeteve.
Për disa minuta është krijuar radhë e gjatë e mjeteve që shkonin në drejtim të Vlorës. Policia konfirmon se nuk ka të lënduar, por vetëm dëme materiale.
