Xherdan Shaqiri ka folur për mediat pas dy barazimeve të marra në dy ndeshjet e fundit në Premier League. Ai këmbëngul se skuadra nuk ishte nën presion gjatë përballjes ndaj West Ham United, për shkak të barazimit që kishte marrë ndaj Leicester Cityt.
Liverpool kishte mundësinë që të shkëputet shtatë pikë nga ndjekësi më i afërt të mërkurën, pasi Manchester City u mposht nga Newcastle Unitedit.
“Unë nuk ndjej asnjë nervozizëm në ekip”, tha zvicerani për Sky Sports duke shtuar se: “Kjo skuadër dëshiron të fitojë çdo ndeshje. Unë nuk shoh asnjë presion këtu.
Ne punojmë çdo ditë, ne shkojmë në çdo ndeshje me mentalitetin se do të qëndrojmë deri në fund të sezonit në vendin e parë.
Ndoshta tifozët janë më nervozë se ne, kjo është shumë normale. Kam përjetuar të njëjtën gjë te Bayern Munich. Ne nuk bëhemi nervoz, ne vetëm luajmë lojën tonë dhe përpiqemi të fitojmë ndeshjet”, pohoi Shaqiri.
