Ministria për Evropën dhe Punët e Jashtme, ka informuar se duke filluar nga dita e sotme e deri në fund të muajit maj, nga ora 08:00-16:00, do të lejohet hyrja e shtetasve shqiptarë drejt Greqisë.
Në pikën Kufitare të Kapshticës, do të lejohet të kalojnë ata shtetas të cilët mbajnë statusin e punëtorit sezonal. Më pare, këta shtetas do t’i nënshtrohen një test të shpejtë, për të pare nëse janë apo jo të infektuar me koronavirus.
Kuota ditore e pranimit është 400 persona, teksa dalja nga Greqia dhe hyrja drejt Shqipërisë do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
Njoftimi i Ministrisë
Ministria për Evropën dhe Punët e Jashtme njofton se duke filluar nga sot deri në datën 31.05.2021, nga ora 08:00-16:00, do të lejohet hyrja e shtetasve shqiptarë drejt Greqisë në Pikën e Kalimit Kufitar Kapshticë, të cilët mbajnë statusin e punëtorit sezonal.
Ministria për Evropën dhe Punët e Jashtme sqaron se këta shtetas më parë, do t’i nënshtrohen një testi të shpejtë COVID-19.
Kuota ditore e pranimit është 400 persona, të cilët gjithashtu duhet të plotësojnë formularin e regjistrimit PLF.
Vetëm pasi të kenë marrë konfirmimin, ata mund të lejohen që të hyjnë në tokën greke.
Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qendrimi, shtetas grekë apo evropianë të tjerë).
❗Ndërkohë, dalja nga Greqia dhe hyrja drejt Shqipërisë do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
