7 Shkurt 1979 – Ndërron jetë “Engjëlli i vdekjes”, Josef Mengele
Dr. Josef Mengele, mjeku nazist famëkeq i cili kreu të shumta eksperimente mjekësore në kampet e vdekjes në Aushvic, vdes nga një goditje celebrale në Brazil, në kohën kur ishte duke notuar në pishinë. Megjithëse, vdekja e tij nuk u verifikua deri në vitin 1985. Mengele lindi më 16 mars 1911 në Gunzburg të Gjermanisë.
Në kolegj, Mengele studioi fillimisht filozofi, duke përkrahur teoritë raciste të Alfred Rosenberg, që fliste për një superioritet të lindur intelektual dhe moral të Arianëve, dhe më pas u diplomua për mjekësi në Universitetin e Frankfurtit. Menjëherë, u regjistrua në SA, forcën paramilitare të Partisë naziste.
Mengele ishte aq entuziast për nazizmin, sa në vitin 1934 iu bashkua grupit kërkimor në Institutit nazist të Biologjisë Trashëgimore dhe Higjenës Racore. Kur shpërtheu lufta, Mengele ishte një mjek në rradhët e SS, me gradën oficer. Më 1943, emërohet nga kreu i SS Heinrich Himmler si mjeku kryesor i kampit të Aushvicit në Poloni, duke përcaktuar fatin e mijëra njerëzve.
I etur për të avancuar karrierën e tij mjekësore duke botuar studime “novatore”, ai nisi eksperimentet me të burgosurit e gjallë hebrenj. Në maskën e “trajtimit mjekësor”, Mengele u injektonte vetë, apo urdhëroi mjekë të tjerë, mijëra të burgosurve, çdo gjë nga benzina në kloroform, për të studiuar efektet e kimikateve mbi trupin e njeriut. Ai kreu eksperimente makrabe mbi qindra binjakë.
Mengele, arriti t’i shpëtojë burgosjes pas Luftës së Dytë Botërore, fillimisht duke u maskuar si një fermer në Bavari, dhe me pas duke u zhvendosur në Amerikën e Jugut. Ai mori nënshtetësinë e Paraguajit më 1959. Më vonë u transferua në Brazil, ku u takua me një ish-anëtar të partisë naziste, Wolfgang Gerhard. Në vitin 1985, një ekip shumëkombësh ekspertësh të mjekësisë ligjore udhëtuan drejt Brazilit në kërkim të Mengeles.
Ata arritën në përfundimin se një burrë me emrin Gerhard, kishte vdekur nga një goditje celebrale në vitin 1979. Të dhënat dentare, zbuluan më vonë se Mengele, në një moment, kishte vjedhur identitetin e Gerhardit, duke qenë kësisoj viktima e vërtetë e goditjes.
7 Shkurt 1992 – Nënshkruhet Traktati i Mahstrihtit i Bashkimit Evropian
Pasi vuajtën për shekuj me rradhë nga konfliktet e përgjakshme me njëri-tjetrin, kombet e Evropës Perëndimore, u bashkuan më në fund në frymën e bashkëpunimit ekonomik me nënshkrimin e Traktatit të Mastrihtit të Bashkimit Europian. Traktati, i nënshkruar nga ministrat e Komunitetit Europian, bënte thirrje për integrim më të madh ekonomik, politika të përbashkëta të jashtme dhe të sigurisë, dhe bashkëpunim midis policive dhe autoriteteve të tjera mbi krimin, terrorizmin dhe çështjet e emigracionit.
Marrëveshja hodhi gjithashtu bazat, për krijimin e një monedhe të përbashkët evropiane, që do të njihet si “euro”. Në kohën kur Traktati i Mastrihtit hyri në fuqi më 1993, ai u ratifikua nga 12 vende: Britania e Madhe, Franca, Gjermania, Republika e Irlandës, Spanja, Portugalia, Italia, Greqia, Danimarka, Luksemburgu, Belgjika dhe Hollanda. Që atëherë Austria, Bullgaria, Finlanda, Suedia, Qipro, Republika Çeke, Estonia, Hungaria, Letonia, Lituania, Malta, Polonia, Rumania, Sllovakia dhe Sllovenia janë bërë anëtarë të unionit. Euro, u fut zyrtarisht në qarkullim më 1 janar 2002.
7 Shkurt 1898 – Shkrimtari francez Emile Zola nxirret para gjyqit
Shkrimtari francez, nxirret në gjyq për shpifje për artikullin e tij me titull “J’Accuse” (Unë akuzoj!), që kritikonte ashpër ushtrinë franceze mbi Çështjen Drejfus. Më 13 janar të atij viti, Zola e botoi artikullin e tij në gazetën “L’Aurore”. Ai trajtonte çështjen e Alfred Drejfus, kapitenit të ushtrisë franceze, që ishte akuzuar për spiunazh në vitin 1894, dhe që ishte dënuar në një gjyq të fshehtë ushtarak me burgim, në një koloni ndëshkimore në Amerikën e Jugut.
Dy vjet më vonë, u zbulua dëshmia e pafajësisë së Drejfus, por ushtria e çensuroi informacionin. Shkrimi i Zola, hidhte dritë mbi intrigat e ushtrisë.
Zola ishte një shkrimtar i mirënjohur, ndaj dhe letra e tij provokoi një zemërim të madh kombëtar në të dyja kampet, midis partive politike, organizatave fetare dhe të tjerëve. Mbështetësit e ushtrisë e paditën Zola për shpifje. Ai u dënua me 1 vit burg, por arriti të largohej nga Franca. Më 1899, Drejfus u fal, por për arsye politikë ai nuk u lirua deri në vitin 1906. Pak kohë pas faljes së Drejfus, Zola u rrikthye në Francë, ku dhe vdiq më 1902.
7 Shkurt 1497 – Në Firence, mbështetetit e peshkopit fanatik Girolamo Savonarola, djegin libra dhe vepra të shumta arti, të konsideruara si heretike.
7 Shkurt 1863 – Anija “HMS HMS Orpheus”, mbytet pranë bregut të Okland në Zelandën e Re, duke i marrë jetën 189 njerëzve.
7 Shkurt 1900 – Lufta e dytë Boere:Trupat britanike, dështojnë në përpjekjen e tyre të tretë për të çarë rrethimin në Ledismith.
7 Shkurt 1944 – Lufta e Dytë Botërore:Në Ancio të Italisë, forcat gjermane nisin një kundërsulm ndaj trupave aleate.
7 Shkurt 1951 – Lufta Koreane:Më shumë se 700 njerëz të dyshuar si simpatizantë komunistë, masakrohen për vdekje nga forcat e Koresë së Jugut.
7 Shkurt 1962 – Shtetet e Bashkuara të Amerikës, ndalojnë të gjitha importet dhe eksportet kubane.
7 Shkurt 1990 – Shpërbërja e Bashkimit Sovjetik:Komiteti Qëndror i Partisë Komuniste Sovjetike, bie dakord të heqë dorë nga monopoli i saj mbi pushtetin.
7 Shkurt 1991 – IRA ndërmerr një sulm me morataja kundët 10 Doëning Street në Londër, selia e qeverisë britanike.
7 Shkurt 1995 – Remzi Jusef, organizatori i sulmit më bombë mbi Qendrë Botërore të Tregtisë në Nju Jork më 1993, arrestohet në Islamabad të Pakistanit.
7 Shkurt 2009 – Zjarret masive në rajonin e Viktorias në Australi, shkaktojnë vdekjen e 173 njerëzve, fatkeqësia natyrore më e rëndë e këtij lloji në historinë e vendit.
7 Shkurt 2013 – Shteti amerikan i Misisipit, çertifikon zyrtarisht Amendamentin e Trembëdhjetë, duke u bërë shteti i fundit në SHBA që miraton heqjen e skllavërisë.
Përshtati për Tirana Today, Alket Goce
