19 Dhjetor 1998 – Kongresi voton pro shkarkimit të presidentit Bill Clinton (impeachment)
Pas gati 14 orësh debati, Kongresi Amerikan miraton 2 nene të fajësimit të presidentit Bill Clinton, duke e akuzuar atë për gënjimin e jurisë së madhe federale, dhe pengimin e drejtësisë. Clinton, presidenti i dytë në historinë amerikane që i nënshtrohej procedurave të shkarkimit (impeachment), u zotua të përfundonte mandatin e tij.
Në nëntorin e vitit 1995, Clinton filloi një lidhje me Monica Lewinsky, një praktikante 21-vjeçare që kishte nisur punë në Shtëpinë e Bardhë. Gjatë një viti e gjysmë, presidenti dhe Lewinsky patën rreth 20 takime seksuale në Shtëpinë e Bardhë. Në prillin e vitit 1996, Lewinsky u transferua me punë në Pentagon. Atë verë, ajo i rrëfeu për herë të parë koleges së saj Linda Tripp, mbi marrëdhënien e saj seksuale me presidentin.
Në vitin 1997, Tripp filloi të regjistrojë fshehurazi bisedat me Lewinsky, gjatë së cilës kjo foli në detaje për lidhjen me presidentin. Në dhjetor, avokatët e Paula Jones, që po padisnin presidentin me akuzën e ngacmim seksual, e bindën Lewinsky të denoncojë. Por në janarin e vitit 1998, sipas rekomandimeve të presidentit, Leëinsky paraqiti një deklaratë në të cilën ajo mohonte se kishte pasur marrëdhënie seksuale me të.
Pesë ditë më vonë, Tripp kontaktoi zyrën e avokatit Kenneth Starr për të folur mbi Lewinsky dhe rregjistrimet që ajo kishte realizuar me këtë të fundit. Tripp, u takua sërish me Leëinsky dhe më 16 janar, kjo e fundit u mor në pyetje nga agjentët e FBI-së dhe disa prokurorë në një dhomë hoteli, ku u pyet dhe iu ofrua imunitet nëse bashkëpunonte me prokurorinë.
Disa ditë më vonë, skandali shpërtheu dhe presidenti Clinton i mohoi publikisht akuzat, duke thënë:”Unë nuk kam pasur marrëdhënie seksuale me atë grua, znj. Leëinsky!”. Në fund të korrikut 1998, avokatët e Leëinsky dhe Starr arritën një marrëveshje të plotë imuniteti, që mbronte si Leëinsky ashtu edhe prindërit e saj, të cilët Starr i kishte kërcënuar me ndjekje penale. Më 6 gusht, Leëinsky u paraqit para jurisë së madhe për të filluar dëshminë e saj dhe më 17 gusht, dëshmoi vetë presidenti Clinton.
Në kundërshtim me dëshminë e tij në çështjen e Paula Jones për marrëdhënie seksuale, Presidenti Klinton pranoi para prokurorëve nga zyra e këshillit të pavarur, se kishte pasur një marrëdhënie jashtëmartesore me zonjën Lewinsky. Në 4 orët e dëshmisë me dyer të mbyllura, të kryer në Sallën e Hartave të Shtëpisë së Bardhë, Clinton fliste para një kamera televizive me qark të mbyllur dhe një jurie të madhe në një gjykatë pranë federatës.
Ai ishte presidenti i parë që dëshmonte përpara një jurie të madhe, e cila po hetonte sjelljen e tij. Atë mbrëmje, Presidenti Clinton mbajti një fjalim televiziv prej 4 minutash, ku pranoi para amerikanëve se ishte angazhuar në një marrëdhënie të papërshtatshme me Leëinsky. Në fjalimin e shkurtër, nuk përmendi në asnjë rast fjala “seks”, ndërsa fjala “keqardhje” u përdor vetëm në lidhje me pohimin e tij se kishte mashtruar publikun dhe familjen e tij.
Pas Kongresit, më 7 janar 1999 e njëjta procedurë nisi edhe në Senat, dhe pesë javë më vonë, më 12 shkurt, Senati votoi nëse do ta shkarkonte apo jo presidentin Clinton nga detyra nga posti. Presidenti u lirua nga të dyja dy nenet e fajësimit. Prokuroria kishte nevojë për një shumicë prej dy të tretash për ta dënuar, por nuk arriti të arrinte as edhe një shumicë të thjeshtë. Duke e refuzuar akuzën e parë të dëshmisë së rreme, 45 demokratë dhe 10 republikanë votuan për shpalljen ”jo-fajtor” të presidentit, ndërsa në lidhje me akuzën e pengimit të drejtësisë Senati u nda 50-50.
19 Dhjetor 1986 – Gorbaçov liron nga internimi disidentin e famshëm Andrei Sakharov
Udhëheqësi sovjetik urdhëron lirimin e fizikantit të famshëm Andrei Sakharov dhe bashkëshorten e tij Elena Boner, nga internimi i tyre i brendshëm në Gorki, një qytet i madh buzë lumit Vollga, i cili ishte i ndaluar për të huajt. Masa u përshëndet ndërkombëtarisht, si një provë e angazhimit të Gorbaçovit për uljen e represionit politik brenda Bashkimit Sovjetik. Sakharovi ishte një kritik i ashpër i politikave qeveritare në Rusi.
Ai u dënua me internim në vitin 1980 pas denoncimeve të tij kundër pushtimit sovjetik të Afganistanit. Përgjatë viteve, Sakharov u shfaq si një simbol i disidentëve sovjetikë, dhe u bë hero për shumë njerëz në Perëndim. Gorbaçov, i cili premtoi të lehtësonte kufizimet politike sovjetike, pranoi se lirimi i Sakharov dhe gruas së tij, do të legjitimonte programin e tij të “glasnost”, hapjes politike.
19 Dhjetor 2005 – Presidenti iranian Ahmadinexhad, ndalon transmetimin e çdo lloj muzike perëndimore në radiot dhe televizionet shtetërore
Deklarata e parë e njohur nga një figurë publike, mbi potencialin e muzikës popullore për të vepruar si forcë shoqërore destabilizuese, është bërë nga filozofi i madh Platoni që 2 mijë e ca vitë më parë shkroi:”Kur ndryshon mënyra e të luajturit muzikë, dridhen muret e qytetit!”. Presidenti i sapozgjedhur iranian, Mahmud Ahmadinexhad, njoftoi një ndalim total të muzikës perëndimore në televizionin dhe radiot shtetërore në Republikën Islamike të Iranit.
Ky vendim ishte në përputhje me antipatinë ndaj kulturës perëndimore, që presidenti Ahmadinexhad kishte treguar më herët si kryebashkiak i Teheranit. Në vitin 2003, ai urdhëroi ndalimin e të gjitha reklamave në mjedisë publike që shfaqnin yllin ndërkombëtar të futbollit, David Beckham. Megjithatë, ndalimi i muzikës perëndimore ishte thjesht një rishqyrtim i një politike zyrtare që ekzistonte prej një kohe të gjatë në Iran, që pas Revolucionit Islamik të vitit 1979.
Asokohe, udhëheqësi iranian Ayatollah Khomeini, deklaroi se “muzika e trullos mendjen, pasi përfshin kënaqësinë dhe ekstazën, të ngjashme me drogën”. Gjithësesi në dekadat pas revolucionit, por para zgjedhjes së Ahmadinexhadit presidenti, toleranca ndaj muzikës perëndimore u rrit në atë pike, saqë këngët e disa muzikantëve perëndimorë – George Michael, Eric Clapton, The Eagles dhe në veçanti Kenny G, sipas BBC – ishin bërë relativisht të zakonshme në televizionin shtetëror iranian.
19 Dhjetor 1912 – Uilliam Van Schaick, kapiten i një anijeje me avull që mori flakë dhe shkaktoi vdekjen e mbi 1 mijë njerëzve, falet nga presidenti amerikan Taft, pas 3 viteve e gjysmë të kaluara në burg.
19 Dhjetor 1983 – Trofeu origjinal i Kupës së Botës, vidhet në Rio De Zhaneiro nga selia e Federatës Braziliane të Futbollit.
19 Dhjetor 2001 – Për shkak të krizës së rëndë ekonomike, në Argjentinë shpërthejnë trazirat popullore.
19 Dhjetor 2016 – Ambasadori rus në Turqi, Andrei Karlov, vritet gjatë ceremonisë së hapjes së një ekspozite arti në Ankara. Vrasësi, Mevlut Mert Altıntash, qëllohet për vdekje nga forcat turke të sigurisë.
19 Dhjetor 2016 – Një sulm terrorist me kamion në Berlin të Gjermanisë, vret dhe plagos shumë njerëz të shumtë në një treg të Krishtlindjeve.
Përshtati për Tirana Today, Alket Goce
