Kryetari i Partisë Demokratike të Kosovës, Kadri Veseli, ka shpallur fitoren e Fillimit të Ri duke falënderuar të gjithë qytetarët e vendit për pjesëmarrjen në procesin zgjedhor.
”Falënderoj qytetarët e Kosovës, partisë dhe koalicionit tonë, të gjithë vëzhguesve ndërkombëtarë dhe vendorë për zgjedhje të suksesshme. Krenar për fitore sonte”, shkruan Veseli.
Kujtojm se PDK-AAK-Nisma deri në këto momente kanë rënë në 33,1%, sipas rezultateve preliminare të DnV-së pas numërimit të 87,31% të votave.
VV ruan vendin e dytë me 26,6 për qind, ndërsa koalicioni LDK-AKR e treta me 25,3 për qind, shkruan Gazeta Express.
Lista Serbe, sipas DnV-së, ka grumbulluar 4,8 për qind të votave. Ndërsa partitë tjera gjithsej 10,1 për qind.
