Kreu i Kuvendit të Kosovës, Kadri Veseli ka kujtuar presidentin e parë Ibrahim Rugovën, 13 vjet pas vdekjes së tij.
Teksa vlerësoi Rugovën si një nga figurat më të rëndësishme në historinë e Kosovës, Veseli tha se ish-presidenti besonte thellësisht në vlerën e pashmangshme që ka dialogu politik për të ecur përpara.
“Sot, në 13 vjetorin e vdekjes, kujtojmë e nderojmë Ibrahim Rugovën, presidentin e parë të Kosovës. Emri i tij zë një vend shumë të merituar në historinë më të re të vendit tonë. Rugova, mes shumë tjerave, besonte thellësisht në vlerën e pashmangshme që ka dialogu politik për të ecur përpara, prandaj, sot, nderimi për Rugovën nënkupton përvetësimin e kësaj vlere dhe veprimin politik që del prej saj”, shkruan Veseli.
