Të tjera të dhëna bëhen të ditura lidhur me vrasjen e minoritarit Kostandin Kaçifas. Nga hetimet e deritanishme rezulton se greku kishte pasur me vete 100 fishekë blindëshpues.
Gjithashtu ai kishte qenë i pajisur me një thikë dhe më një litar që përdoret për dyluftim. Të gjitha këto sende ishin nën posedimin e tij gjatë momentit kur është përplasur me policinë. Ndër të tjera bëhet e ditur se po kërkohet aparati i tij celular. Burime thonë se nuk është gjendur telefoni i viktimës që mund të japë detaje dhe informacione të rëndësishme.
Çështja e vrasjes se Konstandini Kaçifas nga forcat RENEA i ka kaluar për hetim Prokurorisë së Krimeve të Rënda në Tiranë.
Sipas informacioneve mësohet se hetimet janë intensifikuar, por ka pasur dhe një përplasje me familjarët e viktimës.
Bëhet me dije se nuk është pranuar që në ekspertizën mjeko-ligjore të ketë dhe një mjek grek, për shkak të kompetencave pasi çështja tashmë ndiqet nga Prokuroria e Krimeve të Rënda Tiranë./TIRANA TODAY/
