Dalin detaje të reja lidhur me ceremoninë mortore që do të kryhet nesër për minoritarin grek Konstandinos Kacifas.
Mësohet se varrimi do të kryhet në fshatin Bularat të Gjirokastrës, në orën 13:00. Mësohet se në varrim do të marrin pjesë edhe shtetas grek, duke u solidarizuar me humbjen e familjes minoritare.
Flitet se janë rreth 10 autobusë të vënë në dispozicion, të cilët do të mbërrijnë nga Athina dhe do të nisen sonte rreth orës 21:00.
Po ashtu, burime thonë për Tirana Today se arkivoli do të jetë prej xhami, pra pjesa e sipërme do të jetë e dukshme. Mësohet se 35-vjeçari, i cili u vra nga RENEA, do të jetë i veshur me rroba që përafrohen me paraqitjen e tij të fundit, ku shkëmbeu zjarr me forcat RENEA.
