Ergys Kaçe në ditën e fundit të merkatos realizoi kalimin e tij nga PAOK-u tek Panathinaikos, pasi nuk ishte i lumtur me minutazhin që kishte në këmbë. Duket se korçari ka qenë një ndër të preferuarit e trajnerit, Marinos Ouzounidis, pasi e ka aktivizuar që në ndeshje e parë.
Ai e ka aktivizuar nga minuta e parë në sfidën ndaj Panetolikosit, ndërsa mesfushori kuqezi qëndroi në fushë gjatë gjithë takimit. Kaçe u largua nga PAOK-u në huazim, me synimin për të gjetur sa më shumë hapësira, për të ruajtur vendin në kombëtaren e Christian Panucci dhe duket se aventura në kryeqytetin helen ka nisur në mënyrën më të mirë të mundshme.
Korçari mbajti në shpinë fanellën me numrin pesë, në këtë takim që përfundoi në barazim pa gola, ndërsa bëri një paraqitje të mirë, duke marrë edhe vlerësimet e mediave greke. Lojtari shqiptar shuhet për teknikën dhe lëvizjet e shpejta.
