Shqipëria u mposht nga Kosova mbrëmjen e sotme në Zvicër me rezultatin e thellë 3-0, por më shumë se rezultati ra në sy loja e dobët e kuqezinjve. Odise Roshi pas ndeshjes u shpreh se kishte mbetur i habitur në momentin që Panucci e nxori nga loja, është hera e dytë që e bën.
Çfarë ndodhi në këtë ndeshje?
Bëmë 2 ndeshje jo të mira, me Norvegjinë, dhe me Kosovën sot. Sot ata bënë një lojë shumë të mirë dhe e merituan fitoren.
Fryma e grupit…
Fryma nuk është se është keq, ambienti është i mirë me çunat, por nuk dua të them se jemi në fund të kampionatit. Edhe për Kosovën është njësoj. Duhet të stërvitemi sa më mirë, dhe të mendojmë për ndeshjet e radhës.
Pate ndonjë dëmtim, apo nuk po zbatoje detyrat? Kosova e fortë apo ne dobët?
Edhe unë u habita, është e dyta herë që zëvendësohem në atë minutë. Kosova luajti më mirë se ne sot, ne u paraqitëm shumë dobët sot.
Mendoni se Panuçi po shkatërron atë ekip që ishte ndërtuar?
Nuk besoj, trajneri dëshiron që Shqipëria të jetë akoma më mirë, por ndonjëherë merr edhe për më keq. Tani duhet të marrim forca për më tej. Me Maqedonin dhe Lihteshtejnin kemi luajtur mirë, por edhe me Turqinë. Periudha e De Biazit ka kaluar tani, duhet të shohim të ardhmen. Nostalgji e mirë.
Pse rrogat rriten në letra, por varfëria rritet në realitet?
