Pistoleta e gjetur pranë digës së “Liqenit Artificial” të Tiranë është në proces ekspertimi prej 24 orësh nga grupi hetimor që po ndjek zbardhjen e vrasjes së ish-kryepolicit Artan Cuku.
Pastruesi i cili e ka gjetur pistoletën ka njoftuar menjëherë policinë, kjo e fundit pasi e ka marrë armën e ka dërguar për ekspertim balistik në laboratorin e policisë shkencore.
Arma është pistoletë Beret në gjendje pune teknikisht dhe dyshohet se në vendin që është gjetur qëndronte prej disa javësh dhe pritet që ekspertiza të zbardh nëse është apo jo një nga armët e përdorura për vrasjen e Cukut.
Në një largësi prej 1 kilometër ku u gjet pistoleta është dhe vendi ku ekzekutua ish-kryepolici Artan Cuku në hyrje të pallatit të tij në rrugën e kosovarëve.
Për këtë krim në pranga është Mikel Shallari i cili sipas prokurorisë është autori i vrasjes dhe është ndihmuar nga persona të tjerë për të fshehur armën e krimit.
