Juventus “mashtroi” me dëmtimin e Mandzukiç gjatë përplasjes me Vecinon

Një pistë e re është hapur pas ndërhyrjes “horror” që Vecino bëri ndaj kroatit të Juventusit Mario Madzukic dhe që ngriti kaq shumë polemika. Nga ajo që komunikoi klubi i Juventusit, thuhet se sulmuesi i është nënshtruar menjëherë pasi u kthye në Torino një ndërhyrjeje kirurgjikale gjatë natës për plagën e pësuar mes kaviljes e pjesës së brendshme të kërcirit.Mandzukic publikoi menjëherë pas ndeshjes shkallën e dëmtimit që kishte pësuar nga ajo përplasje me mesfushorin e Interit dhe si pasojë ka marrë 10 qepje. Shqetësimi parësor është i lidhur me kohët e riaftësimit dhe është thuajse e sigurt mungesa për angazhimin e radhës në kampionat.Në studiot e “Sky Sport” u përfol edhe lidhur me një “dëmtim të vjetër” (duke iu referuar, me shumë mundësi, incidentit pas kontaktit me Mbayen e Bolonjës, në dhjetor 2017: 13 qepje në atë rast) që Mandzukiç ka shfaqur gjatë momentit kur u kap nga telekamerat në Inter-Juve, teksa ulte palestrinën për të kontrolluar gjendjen: dyshim i lindur nga fakti se kroati del nga fusha jo menjëherë por pas plot 66′ minutash (në të 83-tën, ndërsa Vesino doli nga loja në të 18-tën).Episod ky që ka shkaktuar jo pak polemika (e kuptueshme për nga pesha e sfidës), e që mund të vijojnë pa frikë deri në fund të kampionatit. Siç u raportua nga faqja zyrtare e “Zonjës”, pra, kushtet e Mandzukiç mbeten për t’u vlerësuar. “Si pasojë e plagës së thellë të pësuar në pjesën e brendshme të kaviljes së djathtë, pas kthimit në Torino gjatë mbrëmjes, Mario Mandzukiç i nënshtruar operacionit kirurgjikal. Është në rrezik prania e lojtarit për ndeshjen e kampionatit të së shtunës që vjen ndaj Bolonjës”.