Juventus ka mposhtë në finale e Kupës së Italisë Lazion me rezultatin e pastër 2-0.
Ekipi i Allegrit bëri një paraqitje mbresëlënëse në pjesën e parë, në të cilën shënuan dy gola. Alex Sandro dërgoi një harkim të mrekullueshëm në zonë, të cilin e priti Dani Alves dhe me të parën e dërgoi topin në rrjetë në minutën 12-të.
Pas disa pritjeve të mrekullueshme të Thomas Strakoshës, Leonardo Bonucci shënoi golin e dytë për Juven në minutën e 25-të.
Lazio rrezikoi në pjesën e dytë me anë të Felipe Anderson e Ciro Immobile, por nuk ishin të aftë që t’i shkaktonin telashe kundërshtarit që bënte lojë të sigurt.
Kjo është hera e tretë radhazi që bardhezinjtë e fitojnë “Coppa Italia” dhe ata mbajnë rekord trofesh në këtë garë, me 12 të tillë.
Tani “Zonja e Vjetër” është në kërkim të triumfit në kampionat dhe Champions për të kompletuar tripletën sezonale.
https://www.youtube.com/watch?v=NPP0IZLhfwM
