Juventus është një ndër ekipet më të suksesshme italiane në Evropë në vitet e fundit, ata kanë arritur të prekin dy herë finalen e Champions League, por duke mos arritur ta fitojë. Por presidenti bardhezi është përfshirë në një çështje me tifozët nga e cila merret vendimi për dënim 1 vjeçar.
Andrea Agnelli, presidenti i Juventusit, është dënuar me 1 vit skualifikim dhe 20 mijë euro gjobë nga Gjykata Kombëtare e Federatës Italiane të Futbollit për çështjen e lidhjeve të palejuara me ultrasit bardhezinj, raportojnë mediat italiane.
Vendimi: “Gjykata Federale Kombëtare-Seksioni Disiplinor ka pranuar pjesërisht s’kualifikimin e propozuar nga akuza dhe ka vendosur se: Andrea Agnelli do të s’kualifikohet me 1 vit dhe do të gjobitet me 20 mijë euro. Juventus do të gjobitet me 300 mijë euro”.
Kërkesa e akuzës ka qenë për dy vite e gjashtë muaj pezullim për presidentin e Juventus dhe dy ndeshje me dyer të mbyllura për skuadrën dhe një ndeshje tjetër pa tifozët ultras. Avokatët e Agnelli-t janë shprehur të zhgënjyer për këtë vendim: “Besonim te shfajësimi i plotë i presidentit dhe ky vendim na zhgënjen. Do ta apelojmë këtë vendim”, ka thënë Franco Coppi, avokati i Agnelli-t.
