Presidentin e Komisionit Evropian, Jean-Claude Juncker mohon drogën dhe “çështjen Tahiri” kur u pyet nga gazetarët. Juncker i është shmangur pyetjes së gazetares Erisa Zyko. Ajo e pyet për lajmet që janë publikuar në mediat botërore për drogën në Shqipëri. Gazetarja e pyet edhe për lajmet se në trafikun e drogës është i përfshirë dhe një ish-ministër. Juncker refuzon të jap përgjigje gazetares dhe i këshillon gazetarët që të mos merren me këto gjëra. Deklaratat e Juncker u bënë në një konferencë të përbashkët për median me kryeministrin Edi Rama.
“Kjo është loja midis gazetarëve. Dikush shkruan, dikush i citon, një i katërt i kopjon dhe pastaj këto bëhen pjesë e pyetjeve. Na kanë lënë mbresa reformat që janë kryer në Shqipëri edhe në fushën që ju përmendni. Në fjalimin tim për gjendjen e Unionit nuk i përmenda Serbinë e Malin e Zi. Pra, mos thoni që unë thashë se Serbia e Mali i Zi janë tek pika e hyrjes në BE. Dje unë diskutova me një prej liderëve dhe dua që Shqipëria në të ardhmen të anëtarësohet në BE. Jemi në pikën ku mund t’i rekomandoj Këshillit hapjen e negociatave”, tha Juncker.
