Kohët e fundit është përfolur shumë për lidhjen mes DJ Sardit dhe Jonida Vokshit. Gjithçka bëri shumë bujë mbrëmjen e së dielës, pasi DJ-i i njohur shqiptar reagoi për herë të parë për lidhjen e tij me moderatoren. I ftuar në emisionin “Familja”, Sardi u pyet nga moderatori Turjan Hyska nëse ishte i vërtetë lajmi për lidhjen me Vokshin.
DJ-i u përgjigj me një fjalë të vetme: “Mbase”!
Të gjithë e kuptuam konfirmimin e lidhjes më të re të showbiz-it, por Jonida Vokshi thotë të kundërtën.
E pyetur nga “Prive”, moderatorja mohoi lidhjen, duke kundërshtuar në këtë mënyrë edhe përgjigjen që dha DJ Sardi.
“Pikë së pari shumë, shumë, faleminderit që më pyetët. Pikë së dyti, nuk ka asgjë të vërtetë në këtë histori”, ka thënë bukuroshja.
