Ish-nënpresidenti Joe Biden është një nga emrat më të përfolur nga mediat amerikane, që pritet të shpallë së shpejti kandidaturën për president.
Vetë Biden pranoi para pak kohësh se ky është një vendim që po e mendonte. Ndërkohë, vëllai i tij Frank ka shprehur bindjen se ai së bashku me disa këshilltarë të ngushtë do të kandidojnë.
Lidhur me kandidaturën e Biden ka folur edhe presidenti Trump, i cili tha se nuk ishte i shqetësuar për kandidaturën e mundshme të demokratit Biden në garën presidenciale të vitit 2020.
“Shumë njerëz thonë se Biden po bën mirë, por ju e dini, ai ishte gjithmonë një për qind. Ai kandidoi dy ose tre herë, ai kurrë nuk mori më shumë se 1 për qind”, është shprehur Trump për Fox News.
