Një ndeshje ndryshoi gjithë rrjedhën e karrierës së tij, një 90 minutësh që do mbetet gjatë në memorien e Loris Karius. Ajo finale Champions League që Liverpool e humbi ndaj Real Madrid do kujtohet gjithmonë për gafat e portierit gjerman.
Karriera e tij vijon me probleme edhe te Besiktas, aty ku është i huazuar për dy vite nga Liverpool. Por, edhe në Turqi Karius ka ndeshur vështirësi duke vijuar të jetë në qendër të vëmendjes për çdo gabim që bën.
Sidoqoftë Karius është shumë i zoti në “karrierë” e tij me femrat. Përgjatë rinisë së tij gjermani njihet për numrin e lartë të dashurave që ka ndërruar. Së fundi, ai është në lidhje me Daniella Grace, në fakt çifti flitet se kanë qenë bashkë që prej marsit të këtij viti por muajt e fundit ata kanë filluar të dalin bashkë edhe në publik.
Daniella është 28 vjeçe, në profesionin e saj është modele dhe nënshtetase amerikane. Ndërsa në “portofolin” e saj të lidhjeve mësohet se ka qenë e dashura e Cristiano Ronaldo dhe e basketbollistit Blake Griffin.
