Është përfolur shumë për një transferim të Hysajt drejt Chelsea, ‘telenovelë’ kjo që po zgjat goxha. Por, duket se tashmë një tjetër skuadër me emër po interesohet për mbrojtësin shkodran.
Bëhet fjalë për Atletiko Madrid, që duket se ka hyrë në garë për shqiptarin. Informacioni është dhënë nga gazetari italian Françesko Romani:
“Kemi mësuar sot që për Hysajn ka hyrë në garë edhe Atletiko i Simeones. Kanë nisur kontaktet e para me menaxherin e lojtarit. Ai është shprehur i gatshëm për transferimin e klientit në Madrid, por edhe Napoli i gatshëm të dëgjojë oferta. Atletiko e cilëson Hysajn si një element të aftë për fazën mbrojtëse, ku dihet nga të gjithë loja që bën Simeone në prapavijë. Transferimi mund të konkretizohet që në janar. Flitet për një shifër rreth 40 milionë eurosh”, u shpreh gazetari.
