Nga: Agim Baçi
Ish i burgosuri i kampit famëkeq i Aushvicit, shkrimtari hebreo-italian, Primo Levi, në librin e tij “Të shpëtuarit dhe të mbyturit” përshkruan se si Hitleri helmoi moralin e shoqërisë gjermane përpara se të helmonte hebrenjtë.
Edhe kryeministri Rama, me një gjuhë urrejtje, po vijon të helmojë shqiptarët duke konsideruar normale spiunimin e jetës së gjithkujt, duke konsideruar normale shkeljen e ligjit nga qeveria.
Ai e mbrojti hapur modelin e survejimeve të shqiptarëve sipas metodologjisë së etërve të tij shpirtërorë të kohës së diktaturës, duke treguar se pushteti i tij është i mbështetur mbi dhunën ndaj jetës së shqiptarëve.
nkurajimi publik për përgjuesit, edhe pse ata kanë survejuar në mënyrë antiligjore jetët e gjithësecilit prej nesh, është alarmi se ai po tenton të rikthejë një pushtet ku askush nuk do ndihet i lirë jashtë dëshirave të pushtetit të tij.
Përballë kësaj gjuhe dekurajuese të pushtetit të derisotëm, është me rëndësi t’i kujtojmë sot kujtdo se çdokush prej nesh është i aftë të ndryshojë vetë fatin e tij. Shqiptarët janë “njerëz me gjak”, janë njerëz të aftë e që mund t’ia dalin për të vendosur fatin e tyre, e që të mos lejojnë asnjë qeveri që të rikthejë rregjimin e spiunimit dhe dhunimit të jetëve tona.
Ne nuk duhet të lejojmë të na mposhtë politika e urrejtjes. Populli ka fuqinë të bëjë ndryshimin, duke treguar me fuqinë e votës se nuk e ndryshon dhe largon qeveria popullin, por është populli që mund ta ndryshojë dhe largojë qeveritë!
Vota është pushteti i çdokujt prej nesh për ta treguar jo vetëm forcën por edhe dinjitetin!
