Pas dorëheqjes së Visho Ajazit, ka dalë dhe emri i ri i propozuar në krye të Shërbimit Informativ Shtetëror.
Kryeministrit Rama mbërriti në Presidence mesditën e sotme, ku u takua me Presidentin Ilir Meta për të diskutuar lidhur me dorëheqjen e Ajazit. Në takim, Rama ka propozuar Helidon Bendon në krye të SHISH.
Bendo mbante postin e zv/drejtorit të SHISH.
Pas dorëheqjes së Visho Ajazit, në krye të SHISH është emëruar Helidon Bendo. Lajmi konfirmohet nga vetë Kryeministria me anë të një njoftimi, ndërsa u miratua nga presidenti Meta pas një takimi 30 minutësh në Presidencë.
Por, kush është Helidon Bendo, kreu i ri i Shërbimit Informativ të Shtetit?
Helidon Bendo ka lindur më datën 12 Maj 1971 në qytetin e Korçës. Ai është i martuar dhe ka dy fëmijë.
Ai është diplomuar në vitin 1993 për matematikë në Fakultetin e Shkencave të Natyrës. Po ashtu, kreu i ri i SHISH ka një master në studime për sigurinë, si edhe një trajnim tre-mujor në fushën e sigurisë pranë Universitet George Toën në SHBA.
Gjithashtu, Bendo ka kryer edhe një sërë trajnimesh mbi çështje të sigurisë brenda e jashtë vendit. Ai flet gjuhët anglisht e greqisht.
Ai është emëruar si zëvendës drejtor i SHISH në 22 Prill të vitit 2016, ndërsa para se të merrte këtë detyrë, prej 7 vitesh Bendo ka ushtruar detyrën e Drejtorit të Drejtorisë në Aparatin Qendror (AQ) të SHISH.
Bendo ka eksperiencë 21 vjeçare në SHISH, ku ka mbajtur detyra të ndryshme si Inspektor terreni, Kryetar Dege, Drejtor Drejtorie në disa Qarqe të vendit dhe Drejtor Drejtorie në AQ.
Gjithashtu, Bendo ka kryer edhe një sërë trajnimesh mbi çështje të sigurisë brenda e jashtë vendit. Ai flet gjuhët anglisht e greqisht.
