Për fat të keq, jeta e “Ferhat” në serial, duket se i ngjason shumë realitetit. Humbja e të atit i ka lënë shenjë në jetë. Aktori është përfshirë aq shumë në rol, sa hera-herës të duket sikur e përjeton dhe vetë. I refeohemi aktorit që luan rolin e “Ferhat” në serialin “Dashuri bardh e zi”.
Jeta e tij në serial ndryshon komplet, pasi ai humbet babain në moshën 18 vjeçare. Por Ibrahim Celikkol ka të njëjtën histori edhe në jetën reale. Ai vite më parë ka humbur babain e tij, dhe kjo humbje i ka shkaktuar shumë dhimbje. Në një intervistë për një media turke, ai ka thënë se i është dashur që t’ia dalë mbanë vetë për çdo gjë.
“Është një ngjarje që ka impakte të mëdha në jetën tënde, për një kohë shumë të gjatë. Tek e fundit babai është modeli i çdo djali, dhe të humbësh atë në moshën 18-vjeçare, është shumë e vështirë.
Kështu ka qenë për mua. Pika kulminante e jetës time ka qenë ndarja e tij nga jeta. Kjo ngjarje më ka bërë të përballem drejtpërdrejtë me jetën, më ka përplasur fort me këmbë në tokë, më ka bërë të ndihem vetëm, të mbyllem në vetvete, por njëkohësisht edhe t’ua di më mirë vlerën gjërave, më ka mësuar t’u dal për zot gjërave që dua”, është shprehur aktori.
