Më shumë se 5.200 të burgosur vdesin në vit në burgun kombëtar të Filipineve. Shefi mjekësor i spitalit të burgut, Ernesto Tamayo pohoi se një në çdo pesë të dënuar humbin jetën për shkak të mbipopullimit, sëmundjes dhe dhunës.
Tamayo tha për “CNN Philippines” se mbipopullimi kishte çuar në shpërthime të pakontrollueshme të tuberkulozit pulmonar.
Përveç kësaj, zyrtarët e burgut përmenden shpesh për përfshirje në skandale e korrupsione të ndryshme.
Në muajin gusht, në media u përhapën zëra se një ish-kryebashkiak, i cili ishte arrestuar për përdhunim dhe vrasje të kryer në vitin 1993, do të lirohej më herët për sjellje të mira.
Më pas në shtator, senatorët pohuan se të burgosurit mund të “jetonin si mbretër” në qelitë e tyre në rast se do të paguanin një tarifë të caktuar.
Pretendohet se zyrtarët e burgut pranuan ryshfete për të futur ilegalisht celularë, cigare dhe madje televizorë brenda në qeli.
Numri i lartë i vdekjeve është tronditëse, por nuk konsiderohet një problem i ri në këtë vend. Po ashtu, edhe burgjet e tjera përballen me kushte të ngjashme. Kur CNN vizitoi në vitin 2016 burgun e qytetit Quezon, më shumë së 4 mijë të burgosur qëndronin në një hapësirë të kufizuar, ngjitur njëri me tjetrin.
Nuk ka ambiente ku ata të flenë; në një dhomë me hapësirë 200 metra vendosen 85 të burgosur. Në një dhomë tjetër me kapacitet më të lartë, qëndrojnë 131, ndonëse ishte planifikuar për 30 të dënuar.
Shqetësuese është fakti se numri i të burgosurve po shtohet. Në fillim të vitit 2016, burgu i Quezon, kishte të paktën 3.600 të burgosur. Pas shtatë javësh, numri shkoi në 4.053.
Raportohet se numri i përgjithshëm i të burgosurve në ishujt Filipine në muajin maj të vitit 2018, arrinte në 188,278./Tirana Today
