Në edicionin e kaluar të ‘The Voice Kids’ nga të gjithë fëmijët konkurrent ajo që tërhoqi më shumë vëmendjen e publikut ishte Daniela Toçi. Vogëlushja preku të gjithë shqiptarët me historinë e saj ku çdo fundjave shkonte në fshatin e saj në Kukës dhe ndihmonte prindërit me punët.
Ndërkohë që për të marr pjesë tek ‘The Voice’ asaj ju desh të sfidonte kushtet e vështira në të cilat gjendej familja e saj për të bërë realitet ëndrrën.
Siç dihet ajo ka qenë në skuadrën e këngëtares Miriam Cani dhe gjithmonë e ka treguar dashurinë e madhe që ka ndaj trajneres së saj. Daniela e ka surpizuar së fundmi Miriamin duke i dërguar një letër shumë prekëse që e ka prekur këngëtaren e njohur dhe të gjithë ndjekësit e saj.
“Kjo letër është për ty. Të dua shumë. Ti gjithmonë ke qenë, je dhe do të jesh si nëna ime. Faleminderit për gjithçka ke bërë për mua dhe për gjithë skuadrën”, shkruan Daniela në letrën e saj.
Miriami është emocionuar shumë nga kjo letër dhe ka shkuar dy fjalë për Danielën e vogël.
“Faleminderit për këtë surprizë të bukur zemër”, shkruan Miriami sipër fotos.
