Për Anglinë, Botërori i Afrikës së Jugut në 2010-ën ishte për tu harruar, ata u eliminuan nga Gjermani pas një humbje të turpshme 4-1. Asokohe trajner i “Tre Luanëve” ishte Fabio Capello, i cili njihet për një disiplinë të ashpër që ka në ambientin ku punon.
Jermin Defoe ishte një pjesë integrale e skuadrës në Afrikën e Jugut, dhe shënoi golin që i kualifikoi në fazën nokautit ndaj Sllovenisë. Ai kujton disiplinën e fortë që kishte në ekip nga trajneri i atëhershëm Fabio Capello: “Ai ishte në rregull. Megjithëse ishte shumë strikt. Një ditë isha vonë për një takim dhe thashë se më pushoi zemra.”
Defoe prek edhe pjesën e zhgënjimit të madh që ka përjetuar në Afrikë dhe shprehet se bashkë me Rooney zgjodhën të shikonin kasetën e dasmës së këtij të fundit para ndeshjeve. “Kur ishim në Afrikën e Jugut, mbaj mend se një natë isha aq i mërzitur, saqë bashkë me Rooney-n kemi parë dasmën e tij nga fillimi deri në fund,” shprehet Defoe për ESPN.
“Është bukur të kalosh kohë me shokët e ekipit. Unë isha me Rooney, çka ishte diçka e bukur pasi ishim partnerë edhe në sulm. Por do të mërziteshim gjatë gjithë kohës, të gjithë mërziteshin.”
