Jepet alarmi për zhdukjen e futbollistit argjentinas, Emiliano Sala. Aeroplani ku ai ndodhej është zhdukur nga radari, teksa fluturonte nga Nantes drejt kryeqytetit të Uellsit.
Policia franceze ka bërë me dije se lidhjet mes radarit dhe aeroplanit u ndërprenë teksa ky i fundit fluturonte mbi Kanalin Anglez pranë farit të Casquets. Dyshohet se në bordin e Piper Malibu ishte vetëm sulmuesi argjentinas me origjinë italiane i Cardiff City dhe piloti.
Një operacion i madh kërkimi është duke u zhvilluar për gjetjen e aeroplanit në Alderney në Ishujt Channel. Sipas policisë së Guernsey, Piper Malibu, u zhduk që nga ora 20:30 të hënën në mbrëmje. Dhe tani policia franceze i ka thënë AFP se ata besojnë se sulmuesi argjentinas ishte në bord.
Aeroporti i Cardiff konfirmoi se avioni do të mbërrinte nga Nantes, por një zëdhënëse tha se nuk kishte detaje të mëtejshme.
