Jep dorëheqje drejtori sportiv i Vllaznisë; Nuk e pyetën për listën

Tek Vllaznia duket se nuk do të mbarojnë ndonjëherë problemet këtë vit edhe pse Bashkia e bëri pjesën e saj duke e miratuar buxhetin e klubit. Ekipi shkodran para pak orësh ka zyrtarizuar blerjen më të fundit, ku pas 6 vitesh është rikthyer në shtëpi sulmuesi Xhevahir Sukaj. Duke ditur që pushimet në kampionat do të zgjasin deri në 26 janar, ekipi ka vendosur të kryej një minifazë përgatitore në Ulqin.

Para pak minutash është publikuar edhe lista e lojtarëve të cilët do të udhëtojnë në këtë fazë përgatitore. Por fill pas saj drejtori sportiv i Vllaznisë, Eugen Zeka ka dhënë dorëheqjen. Pretendimi i këtij vendimi ka të bëjë me faktin se ai nuk është pyetur për përfshirjen e lojtarëve në këtë listë. Drejtori Zeka nuk e ka pritur mirë këtë gjë ndaj ka vendosur të jap dorëheqjen nga posti që ai mbante të klubi i Vllaznisë.