Departamenti Amerikan i Shtetit ka publikuar detaje lidhur me telefonatën e zhvilluar mes sekretarit Pompeo me Ministrin për Evropën dhe Punët e Jashtme Ditmir Bushati.
Në deklaratën e publikuar nga DASH, shkruhet:
“Sekretari i shtetit Pompeo telefonoi Ministrin e Jashtëm Shqiptar Ditmir Bushati për të përgëzuar qeverinë shqiptare për dëbimin e dy iranianëve, përfshirë ambasadorin e Iranit në Shqipëri, si përgjigje ndaj përgatitjeve të një komploti për një sulm terrorist në Shqipëri. Me këtë vendim Shqipëria rreshtohet krah vendeve të tjera të Evropës, si Franca dhe Danimarka. Veprimet e Shqipërisë përçojnë një mesazh të qartë se terrorizmi iranian është i papranueshëm në Evropë.”
Më tej, Sekretari Pompeo ka uruar Ministrin Bushati për marrjen e kryesisë së OSBE për vitin 2020 ndërsa thekson se mezi pret të bashkëpunojë me Shqipërinë.
