Në një intervistë të fundit për mediat spanjolle, Adnan Januzaj ka treguar mbi klubin e tij të preferuar si dhe lojtarin më të mirë sipas mendimit të tij.
Sipas futbollistit që aktivizohet me Real Sociedad, Cristiano Ronaldo është futbollisti më i mirë, por i preferuari i tij është Paul Pogba me të cilin ka ndarë momente në kohët e Manchester United. “Pas Real Madrid, Manchester United është klubi im i preferuar. Sa i përket futbollistit më të mirë ai është Cristiano Ronaldo, edhe pse i prefuari im është dikush tjetër.
Paul Pogba, me të kam kaluar shumë kohë. Kam luajtur dhe jam rritur me të”, u shpreh Januzaj. Ndërkaq, prej vitit 2017 si pjesë e Real Sociedad, Januzaj është kthyer në një lojtar mjaft të rëndësishëm për ekipin e La Liga.
